شرک

شرک سے متعلق ایک مختصر وضاحت :

ایک محب اھلبیتؑ کو اس بات کا یقین کامل ھونا چاھیۓ کہ محمد و آل محمدؑ روز محشر اللہ کے دربار میں کسی مشرک کی شفاعت نہیں کریں گے لہذا یہ لازم ھے کہ شرک کے بارے میں علم ھو تاکہ روز محشر آپ محمد و آل محمدؑ کی شفاعت کے امیدواروں کی صف میں ھوں تفصیل تو آپ کتابوں میں دیکھ لیجیۓ گا یہاں میں شرک جلی کی چار اقسام مختصر طور پر لکھے دیتا ھوں اگر میری پوسٹ پر اطمینان نہ ھو تو کسی بھی عالم سے رجوع کر لیجیۓ گا 

1 :- شرک ذاتی : یعنی اللہ کی ذات میں کسی کو اسکا شریک ٹہرانا جیسے باپ ، اولاد ، بیوی یا اسکے سوا کسی اور کو خدا سمجھ کر اس سے دعا و پکار والا معاملہ رکھنا 

2 : شرک صفاتی :- اللہ سنتا ھے ، دیکھتا ھے ، وہ عالم الغیب ھے ، ھر جگہ حاضر ھے ، وہ قادر ھے ، وہ مددگار ھے ، وہ محافظ ھے ، وہ وکیل ھے یہ سب اسکی صفات ھیں اب جیسے اللہ سننے اور دیکھنے کے لیے فاصلوں کا اور صحت مند اعضاء کا محتاج نہیں ایسا عقیدہ کسی مخلوق کے لیے رکھنا گویا اللہ کی صفات میں اسے شریک ٹہرانا ھے وہ کسی سے پوچھے یا سیکھے بغیر عالم ھے اور ھر غیب کے پردے میں چھپی شے کا اسے علم ھے جبکہ مخلوق کے لیے ایسا سوچنا کہ وہ عالم الغیب ھے اور بغیر کسی سے کچھ سیکھے سب جانتی ھے شرک ھے یہی معاملہ مدد محافظ اور قادر جیسی صفات کا ھے کہ اسمیں کیا کسی ایک صفت میں بھی اللہ کا کوئ شریک نہیں 

شرک افعالی :- شرک افعالی یعنی اللہ کے کام جیسے دعا و پکار کا سننا اور قبول کرنا ، زمین سے سبزہ اگانا اور آسمان سے بغیر کسی آلات کی مدد کے  پانی برسانا ، مردے زندہ کرنا ، بیماروں کو شفا دینا ، بھوکے کو مال و دولت دیکر دوسروں سے مانگنے سے بے نیاز کر دینا ،  دینا امیر کو فقیر بنا دینا ، اولاد کا دینا یا نہ دینا وغیرہ وغیرہ اگر مخلوق الہی میں سے کسی بھی مخلوق خواہ نبی ھو یا امام سے متعلق یہ عقیدہ رکھا جاۓ کہ وہ بھی اگر چاھیں تو بے اولاد کو اولاد جیسی نعمت دے سکتے ھیں کسی بیمار کو شفا یا فقیر کو امیر و کبیر کر سکتے ھیں تو ایسا عقیدہ رکھنا شرک افعالی کے زمرے میں شمار ھوگا جو آپکی نماز روزوں کے باطل ھونے کا سبب اور روز محشر محمد و آل محمد علیھم السلام کی شفاعت سے محروم کا باعث ھوگا 

شرک عبادتی : اسکی عبادت کے سوا کسی اور کی عبادت کرنا شرک ھے عبادت میں سب سے اھم رکن سجدہ ھے لہذا اگر مخلوق کسی مخلوق کے آگے سجدہ ریز ھوتی ھے تو وہ اللہ کے سامنے جوابدہ ھوگی اور روز محشر ایسے لوگ بھی محمد و آل محمد علیھم السلام کی شفاعت سے دور رھیں گے جو نبی یا امام معصوم کی ضریحوں کو سجدہ کرتے ھیں یہاں سجدے سے مراد وہ شرعی سجدہ ھے جو حالت نماز میں کیا جاتا ھے نہ کہ فقط جھکنا 

میری اس مختصر سی تحریر میں بے شمار غلطیاں بھی ھو سکتیں ھیں مگر میری اس پوسٹ کا مقصد اپکو شرک جیسی مہلک بیماری سے بچانا ھے اس لیے آپ مقصد کو نگاہ میں رکھ کر جو غلطیاں ھیں انکی نشاندھی ضرور کیجیۓ گا تاکہ میری بھی اصلاح ھو سکے شکریہ 

اللہ محمدو آل محمدؑ کے صدقے ھم تمام بہن اور بھائیوں کو شرک سے محفوظ رکھے آمین